السلام عليكم ياشباب وبنات الجيل الواعي لنفسه جدا لايامه الجاية ان شاء الله ومستقبله
النهاردة حنتكلم عن حاجة فى منتهى الاهمية كلنا بندور عليها وسبب خلاف كبير جدا بين الناس لدرجة انها بقت حديث الساعة دلوقتى تقريبا ومش عايز دماغك تروح لبعيد انا عايزك تفهم واحدة واحدة الفكرة اللى بنتكلم عنها من خلال الاسئلة اللى جاية
النوع الاول
--------------
كام مرة بتشتكى انك مش عارف تتكلم مع بابا او ماما ؟؟
كام مرة بتشتكى ان محدش فاهمك او بيحس بيك ؟؟
كام مرة حسيت انك لوحدك ؟؟
كام مرة شوفت فشلك فى اى حوار ؟؟
طيب لو سئلنا الاسئلة ديه بالعكس وقولنا
النوع التانى
-------------
كام مرة اكتشفت انك شاطر فى التعامل مع بابا وماما ؟؟
كام مرة حست ان اللى حوليك بيفهومك وحاسين بيك ؟؟
كام مرة شوفت نفسك شخص اجتماعي وحوليك ناس كتير ؟؟
كام مرة سمعت نفسك وانت قوى فى اى حوار ؟؟
معنى انك وصلت لحد هنا ده دليل على انك عايز تعرف لو انت من النوع الاول ده بيحصل ازاى او لو من النوع التانى ده بيحصل ازاى ؟؟
ومش معنى انك ناجح فى علاقاتك او فى تعاملك مع نفسك انك متسألش نفسك انت ناجح ليه
ببساطة كده انت عشان تبدأ تكون شخص قوى فى التعامل مع نفسك او مع غيرك سواء كنت من النوع الاول او التانى يبقى لازم تعرف الفكرة البسيطة ديه وهى فكرة
منظومة القيم الاساسية والمعيارية للانسان .. يعنى ايه الكلام ده وازاى بنستخدمه فى الاقناع والتأثير على الاخرين
القيم هى محرك الانسان لانها تتمثل فى الاتجاه اللى بيسلكه الشخص وعشان كده لو قولت جملة معينه الجملة ديه ممكن تعمل حاجة من اتنين
اول حاجة انها تكون جملة تتوافق مع قيم الشخص اللى قدامك ده وبالتالى حتلاحظ توافق بينك وبينه ومثال على كده انك لو بتتكلم مع حد وانت عارف ان من اهم القيم عنده الانجاز وكلامك كله خد شكل انك عايز تنجز وتحقق الانجاز ده على طول حتلاقى الشخص ده مبسوط بفكرتك لانك ببساطة مسيت قيمة عنده مهمة
تانى حاجة انها تكون جملة غير متوافقة مع قيم الشخص اللى قدامك وبالتالى حتلاحظ عدم توافق بينك وبينه الشخص اللى قدامك ومثال على كده انك مثلا فى شغلك تقول لزميل ليك انا هروح وتبقى تقول للمدير انى تعبت ومشيت بدرى والشخص اللى بتكلمه عنده قيمة الصدق عالية جدا على طول حياخد رد فعلى عكس اللى انت عايزه ليه لانك ببساطة كده مسيت قيمة عنده هو بيحبها وهى الكدب
ومعنى انك وصلت لحد هنا ده دليل على انك عايز تبدأ تفهم الفكرة بشكل محترف اكتر وعشان كده بداية من المقال الجاى ان شاء الله هنبدأ نعرف الفكرة الاساسية اللى بنتكلم عنها
وهى 4 قيم محورية اساسية بيبدأ بيهم الشخص فى التفكير فى اى حاجه و 6 انواع للقيم المعيارية وحنتلكم بشرح مبسط ومفسر بأمثلة عملية كتييييييييييييير جداااااااااااااااا تساعدك انك تكون اكثر اقناعاً وتأثيراً على الاخرين
0 comments:
إرسال تعليق