من الفخ للاجتياز والانجاز

السلام عليكم .. النهردة ان شاء الله هنتكلم عن موضوع لكل الشباب المقدمين على سوق العمل واللى بيشتغلوا وعايزين يحسنوا من مهاراتهم ومن وضعهم فى الوظيفة والارتقاء بنفسهم وبمسار حياتهم 

موضوع النهردة عن اجتياز المقابلات الشخصية بقوة وبأحترافية وان شاء الله هكون مختصر فى الكلام ونذكر المفيد على طول 

ارشادات عامة لاحتراف اجتياز المقابلات الشخصية 
ــــــــــــــــــــــــــــــــــــــــــــــــــــــــــــــــــــــــــــــــــــــــــــ

1. تجنب التفكير السلبى وكن متفائلاً ايجابياً
2. تدرب على اجاباتك وتوقيتها ولا تتكلم بشكل متواصل اكثر من دقيقتين 
3. لاتحاول ان تحفظ الاجابات المذكورة هنا عن ظهر قلب بل استرشد بها وعبر عن افكارك من خلالها 
4. وضح المؤهلات التى تخدمك فى اتجاه الوظيفة المتقدم لها 
5. حول نقاط الضعف فيك الى نقاط قوة بخطة سريعة 
6. فكر قبل ان تجيب .. ان التمهل فى الاجابة هو من سمات الشخص الروي
7. خصص مفكرة صغيرة ودون فيها بعد كل مقابلة ملاحظاتك حول سلبياتك وطور منها وحسنها وايجابياتك واظهرها بقوة
8. كن واضحاً ومباشراً اثناء المقابلة ولا تشعر باليأس اذا تم رفضك فليس المهم ان تفشل المهم ان تحاول مرة اخرى 

ملحوظة مهمة جدا وخلى بالك منها :
ــــــــــــــــــــــــــــــــــــــــــــــــــــــــــــــــــــــ

تعريف النجاح عند اعظم الشخصيات هو ان النجاح هو عدد مرات الوقوع لتقف ناجحاً فى النهاية

ومن هنا البداية 

السؤال الاول : 
ــــــــــــــــــــــــــ
كلمنى عن نفسك او عرفنى بنفسك ؟؟

الفخ من السؤال : 
ــــــــــــــــــــــــــــــ
انك هتكون محدد فى كلامك وهتقول كل حاجه تخص الوظيفة ولا هتتكلم فى حاجات عامة في منها اللى يخص 
الوظيفة وفى منها غير مخصص للوظيفة 

الاجابة : 
ــــــــــــــــ
ضع اجاباتك فى اطار الحاضر موضحاً انك مؤهل للوظيفة اللى انت متقدم ليها وتذكر دائما ان ضمان النجاح فى اى مقابلة شخصية متوقف على تطابق مهاراتك بالوظيفة 

السؤال الثانى : 
ـــــــــــــــــــــــــــ
ما هى اهم المؤهلات التى تمتلكها ؟؟

الفخ من السؤال : 
ـــــــــــــــــــــــــــــــ
طريقة كلامك عن نفسك هيكون فيها قوة وثقة بالنفس ولا هيكون فيها ضعف ولا هيكون فيها غرور

الاجابة : 
ــــــــــــــــ
ان تعطى انطباع اول قوى وجيد وان تظهر مؤهلاتك بقوة وسوق نفسك واظهر تطابق مؤهلاتك بالوظيفة وانجازاتك السابقة بالوظيفة 

السؤال الثالث : 
ـــــــــــــــــــــــــــ
ما هى اهم نقاط ضعفك ؟؟ 

الفخ من السؤال : 
ــــــــــــــــــــــــــــــــ
كن حذراً السؤال ده لتصفية المتقدمين 

الاجابة : 
ـــــــــــــــــ
اظهر نقاط قوتك كما لو كانت نقاط ضعف على سبيل المثال انا هارد وركر اوى وبالطريقة ديه انا دائما بضغط على زملائى وبحب اكون هارد وركر كما لو كان العمل مستعجل عليه لتحقيق الانجاز 

اجابة اخرى : 
ـــــــــــــــــــــــــ
لا يوجد شخص خالى من العيوب ولكن لما شوفت الوصف الوظيفى للوظيفة تأكدت انى مؤهل لها لانى امتلك اهم نقاط القوة للوظيفة وهذا يحتاج منك جمع معلومات بشكل قوى جدا 

السؤال الرابع : 
ـــــــــــــــــــــــــــ
سؤال الصمت ؟؟

الفخ من السؤال : 
ــــــــــــــــــــــــــــــــ
بعد ماترد الى اى سؤال ما فى المقابلة الانترفيور يصمت لحظات وينظر اليك بطريقة مختلفة ليلاحظ ثباتك الانفعالى هل هتكون على ثبات انفعالى ولا هتتوتر وتبدأ تفقد اعصابك 

الاجابة :
ــــــــــــــــــ
ان تنتظر وان تتنفس بعمق وهدوء منتظر السؤال التالى ولو اطال الصمت كلمه بصيغة ادب هل تحب ان اضيف اى شئ حول هذا السؤال 

السؤال الخامس : 
ــــــــــــــــــــــــــــــــ
لماذا يجب عليا ان اوظفك عندى ؟؟

الفخ من السؤال : 
ـــــــــــــــــــــــــــــــ
هل انت مستعد ومؤهل ان تكون كفئ فى اقتناص فرصة والوظيفة ولا لاء 

الاجابة : 
ــــــــــــــــ
هى ان تجمع معلومات بشكل قوى عن الوظيفة والشركة واهداف الشركة ومشاريع الشركة ومنتجات الشركة وادارات الشركة ومن خلالها يكون ردك .. زى ما فهمت من الاعلان واستفسارى عن الوظيفة ان حضرتك تبحث عن شخص يستطيع ادارة المبيعات والتسويق فى قسم تسويق المنتج الفلانى شخص يتمتع بالخبرة وانا قضيت خبرة فى شركة كذا وشركة كذا وحققت انجازات فى هذه الوظيفة كذا وكذا وكذا 

السؤال السادس : 
ـــــــــــــــــــــــــــــــ
اين ستكون بعد 5 سنوات ؟؟

الفخ من السؤال : 
ـــــــــــــــــــــــــــــــ
ان يعرف الانترفيور درجة طموحك ويعرف انت تبحث دائما على الفرص الافضل بشكل اسرع وبتترك عملك سريعا ولا لاء 

الاجابة : 
ــــــــــــــــ
حاول انك تأكد على ان ليك خطط واضحة وترقيات متوقفة على الوظيفة اللى هتكون بيها مسارك المهنى مع الشركة وبالشركة وهذا مبدأ تحقيق اهدافك بتحقيق اهداف الاخرين 


طبعا فى اسئلة كتير صعبة او فيها مراوغة وانا جمعت المشهور حاليا فى معظم الشركات وان شاء الله فى مقال تانى هيكون فيه جزء تانى للاسئلة المشهورة او المعتادة فى المقابلات الشخصية

شاركه على فيسبوك شاركه على تويتر شاركه على جوجل بلس

عن eng-rashed