السبب الرئيسي فى انك ممكن تشوف معلومة اوتسمعها او تحسها وبعد كده تفرح او تضايق هو الوعي الحسي والوعي بالاحساس .. يعنى ايه الكلام ده ببساطة ياصديقى الوعي انك تكون واعي لحظة استقبال المعلومة بالحواس الخمس وبناء على العمليات المعرفية الادراكية بيتم تحديد نوع المشاعر او الاحساس المرتبط بالمعلومة ديه ووقتها بتفرح او العكس ..
لكن الاخطر علينا هو عدم الوعي الحسي ثم عدم الوعي بالاحساس ازاى !!!!
احيانا تستقبل اى معلومة بدون وعي وفجاءة ترجع تانى عقلك يستوقفك بالتفكير فى المعلومة ديه او يتم تمريرها من غير التفكير فيها ده بيحصل ازاى هقولك ..........
اى معلومة انت هتستقبلها ليها ذكريات راسخة داخل عقلك الباطن سهل تمريرها من طبقة المستقبلات العصبية اللى مسؤلة عن الحواس الخمس الى النواة المركزية المسؤلة عن رد فعلك سواء بالسلب او بالايجاب عن طريق الالياف العصبية اللى هى الانابيب العصبية الواصلة بين طبيقة المستقبلات العصبية والنواة المركزية العصبية
ببساطة اكتر ده بيحصل ازاى من اهم العمليات المعرفية الادراكية اللى بتحصل بأستمرار داخل العقل الربط بين المعلومات واستكمال المعلومات وده اللى حصل فى اعلان بيبسي لما اظهر فؤاد المهندس ونيلى وبوجى وطمطم هتلاى ببساطة وانت بتشوف الاعلان مفكرتش هما عاملين كده ليه او ازاى فكروا كده او اى شئ من هذا القبيل كل اللى انت عملته انك لو بتفرح او بتضايق من اى شخصية من دول هتعمل حاجتين مهمين او حاجة الروجوع للذكرى الخاصة بالشخصية ديه يعنى مثلا لو بتفرح بعمو فؤاد هتلاقى نفسك اول ما تشوفه هتربطه بذكريات الماضى وتفرح او تدى مشاعر ايجابية وبعدها بتتكلم عن الذكريات ديه وبتلاقى نفسك بتتكلم عنها وهنا ممكن يجي دور عملية استكمال المعلومات وتخيل السيناريو العقلى ووقتها بتقول لو كان موجود دلوقتى كان هيبقى حصل كذا وكذا وكذا .... الخ
بعد ما تركز فى المثال اللى فات مثال الاعلان هتكتشف انك فى احيان كتير تقريا ولا مرة فكرت فى الاعلان بطريقة منطقية موضوعية حيادية
عشان كده بنقول عدم الوعي الحسي ثم عدم بالاحساس لانك ممكن تستقبل معلومة بدون وعي ويحصل ربط بمشاعر سلبية وتلاقى نفسك مضايق وتقول لنفسك انا مضايق من غير سبب ليه فى الحقيقة هو فى سبب انك استقبلت المعلومة فى نفس الوقت عشان هى مربوطو عندك بذكريات فى اعماق الباطن العقل الواعى التحليلي المنطقى مررها بدون تحليل يعنى من غير ما تستوقف تفكيرك اصلا وده اللى بيخليك تقول فرحان او مضايق من غير سبب ...... وممكن بعد شوية لما تفكر ويستوقفك انت ليه هنا فى المكان ده او فى الزمان ده حصلك كده وتبدأ تراجع نفسك بتلاقى نفسك شوفت حاجة اللى سببت ده بس وقتها انت مكنتش مركز زى ما الناس بتقول
طيب ده معناه ان كل الناس ممكن عقلها يستوقفها ويخلها تعرف السبب او المعلومة اللى استقبلها ومررها وسببت المشاعر ديه هقولك ده ممكن يحصل او لاء ليييييييييييه لان فى حاجة اسمها الذاكرة النفسية وهى الفترة بين حدوث الحدث واستعياب الحدث فلو الفترة ديه قصيرة هتلاقى الشخص بيقول بس انا فهمت ليه انا اضايقت دلوقتى عشان شوفت كذا وده فكرنى بكذا يعنى المعلومة دخلت للعقل الباطن ورجعت للواعي بعد لحظات قصيرة
طيب لو تم تمرير المعلومة للباطن ولم يتم استرجاعها للواعي تانى هنا بنقول ان الفترة الزمنية للذاكرة النفسية طويلة شوية عشان كده ممكن شخص يتفكر هو من سنة او اكتر ليه فى موقف معين اضايق وساعتها مكنش فاهم ومع ذلك بعدها بسنة او اكتر رجع للموضوع تانى وفهمه
طيب ايه الهدف من كلامى السابق هو انك تحترف ترجمة مشاعرك للسيطرة عليها
مثال .. شخص حس بغضب فجاءة وانه عايز يعمل اى رد فعل عصبي مع انى مفيش حاجة تستحق ردة الفعل ده
الشخص ده استقبل معلومة اتمررت للعقل اللاواعي ارتبطت بخبرة او ذكرى فيحصل زى ما شرحنا واول ما يحصل استرجاع من خلال الذاكرة النفسية يبدأ يقول اه هو انا سمعت كذا او شوفت كده وده ضايقنى وعشان كده حس بالحالة النفسية الشعورية وهى الغضب ويقول انا بس ساعتها مكنتش مركز عشان اخد بالى انا اضايقت من ايه ولما هديت وفكرت عرفت
الخلاصة لازم تنتقل من مرحلة عدم الوعي الحسي وعدم الوعي بالاحساس الى مرحلة الوعي الكافى لجمايتك من حالات التقلبات المزاجية اللى ممكن بسببها تفقد معنى ذاتك وهويتك واهدافك وحياتك
0 التعليقات:
إرسال تعليق