هو انا بعمل ايه ولا بكلم مين
في حياتنا اليومية بعد ما تشوف الكلام وتراجعه جواك مع نفسك هتحس انك ممكن تكون محتاج تراجع نفسك ف بعض الافكار الخطرة اللي ممكن تكون بتهدد حياتك من حيث علاقاتك مع الاخرين او حتي مع نفسك
ببساطة كدة كل واحد فينا اتربى ع حاجات معينة وكبر عليها وساعات من غير ما ناخد بالنا بنقع ف الفكرة الاخطر ع الاطلاق ف حياتك وهي وانت بتتعامل مع الناس من منطلق اللي انت اتربيت وكبرت عليه
طيب وايه الخطر ف كدة او ايه المشكلة ف كدة ... هقولك
المشكلة انك بناء ع تربيتك واللي اتعودت عليه بتفترض فكرة معينة ف دماغك وبتكون متوقعها من الاخر كرد فعل وطبعا ممكن بنتهي البساطة ده ميحصلش وهنا الصدمة بالنسبالك وعشان كدة انا عايز اسألك سؤال
هو انت بتتعامل مع الفكرة او الفرض او التوقع اللي ف دماغك ولا بتتعامل مع الفرد نفسه
وهنا تكمن المشكلة عندك انك لو جربت انك تتعامل مع الفرد نفسه وواقع شخصيته هتلاقي نفسك بتفكر بطريقة مختلفة ف طريقة تعاملك مع الاخر وبكدة تكون حد افضل ف التعامل مع الاخرين انما لو فضلت مصر انك تتعامل مع فكرة اتربيت عليها او فرض او توقع ممكن بسهولة ميحصلش وتضايق
يعني انت مثلا قررت تروح لبنت وتقولها انا عايز رقم تليفون بابا عشان اتقدملك فهي بمنتهي البساطة رفضت والسبب انك مش فاهم يعني ايه ارتباط وطبعا انت كدة اضايقت من رد فعلها لانك المفروض بتعمل الصح
طيب تعالي بقي نشوف اللي احنا بنقوله ع المثال السابق
انت اتربيت ع ان الراجل اللي يدخل البيت من بابه وبناء ع الفكرة ديه انت قررت تكلمها وتوقعت ان هي هتوافق انك تاخد رقم التليفون لانك بتعمل الصح
هي بقي اتربت ع ان الارتباط تفاهم واعجاب وقبول وعاطفة بين الراجل والبنت الاول وبعد كدة خطوة الارتباط الرسمي وبناء ع الفكرة ديه هي رفضت من غير ما تفكر
طيب نطلع من الكلام ده بأيه ان انت عايز ترتبط وهي كمان انما الاختلاف ف المعني ومفهوم فكرة الارتباط وعشان انت تجاهلت مفهوم الارتباط عندها ايه وتعاملت مع الفكرة عندك بس ومش مع الشخص ولا الفكرة اللي عنده الخاصة بالارتباط حصل الرفض بسهوله وانت اضايقت
ان شاء الله ف المقال الجاي هنقول امثلة اكتر ف مواقف مختلفة من حياتنا
0 التعليقات:
إرسال تعليق