اغلب المدربين عايزة تكون ع طريق الاحتراف وفي يوم من الايام تشتغل كورس تدريب المدربين ويخرجوا دفعات ويكون ليهم البصمة ف الدفعات ديه
وبما ان اول 3 دقايق بيكون الحضور مركز مع المدرب وهما الانطباع الاول عن المدرب
عشان كدة النهاردة هتكلم عن فكرة مهمة جدا لازم تحطها ف الحسبان
الخوف والمخاوف العشرة والمثيرات العقلية
وده اللي هنفصل فيه شوية
اغلب المدربين ف اول محاضرة ف تدريب المدربين بتتكلم عن الخوف والمخاوف العشرة اللي رأس القائمة فيها الخوف من الجمهور طيب هو ايه اللي ممكن يحصل لما تفصل وتشرح النقطة ديه
انا عايزك تسال نفسك كام سؤال هما لغز الموضوع
هل كل الحضور نسب خوفها واحده ؟
هل ممكن يكون ف الحضور حد مش بيخاف اصلا ؟
هل ممكن حد مش بيخاف ويخاف بعد شرح نقطة زي ديه ؟
وده اللي مش بناخد بالنا منه لما نتكلم عن الخوف والخوف من الجمهور ازاي بقي وده اللي هنبدأ ف شرحه يعني ايه مثيرات عقلية
المثير العقلي ببساطة هو فكرة العقل بيستقبلها ويبدأ العقل التفكير فيها ثم التفاعل معها وربطه بمشاعر ويبدأ العقل يرسم صورة للمثير ده بمشاعر
يعني ببساطة لما حضرتك تتكلم عن الخوف ده المثير وهنا هيحصل اكتر من احتمال
1-مقاومة فكرة الخوف
2-ممكن اخاف اكتر
3-ممكن احس ان البداية صعبة ومحتاجة مجهود جبار
وبثير بطريقة غير مباشرة عند الشخص اللي بيسمع انك هتخاف وبما انك هتخاف يبقي هتربط الفكرة بمشاعر سلبية وهنا هيتخيل نفسه ف لحظات الارتباك اللي هيكون عايشها اول ما يدخل القاعة
طيب الحل ايييييه ؟؟
عالميا دلوقتي بقي ف حاجة اسمها التهيئة النفسية لدخول القاعة بأستخدام تقنيات نفسية اتكلم عنها كبار المدربين زي توني روبينز وزيج زيجلر وغير كتير
وبتبدأ حضرتك بتعزيز الثقة بالنفسة من خلال تكرار استخدام التقنيات النفسية ديه مع تكرار تدريبه ع دخول القاعة اثناء الكورس كتير بأشكال مختلفة وف تمارين مختلفة بغض النظر عن مفهومة عن الخوف او نسب الخوف عند كل واحد فيهم
وهنا بيحصل حاجة قوية جدا وهي تحويل التدريب لمتعة وبيكون الحضور ع نص الكورس مستمتعين جدا بالخروج والكلام والتفاعل بشكل ايجابي
0 التعليقات:
إرسال تعليق