مع سرعة تغيرات الحياة وكثرة الالتزامات المادية ممكن يحصل مشكلة بسيطة من غير ما ناخد بالنا منها ان احنا ننسى نفسنا شوية وندخل فى ضغط نفسي
طيب ايه المشكلة فى كدة
المشكلة ببساطة كدة ان اى ضغط نفسي بيحصلك لازم تفرغ الضغط ده بأى طريقة طيب وايه المشكلة فى كدة يعنى المشكلة انك ترد على السؤال ده
انا هفرغ الضغط ده ازاى ؟؟؟
لان انت هنا ممكن من غير ما تشعر تفرغ وتروح لاى حاجة مفهاش قيود او مسؤلية كنوع من انواع التحرر والتمرد على الوضع الضاغط ليك ومن هنا تبدأ تظهر مشكلات واعراض بقت موجودة فى حياتنا كتير وبنشتكى منها وطبعا الامثلة اللى هقول عليها ممكن يكون ليها اسباب تانية انما انا هنا اقصد ان سبب من اسبابها الضغط النفسي ومن الامثلة ديه
العزلة - ايذاء الذات - التدمير الذاتى النفسي - العصبية - ممارسات تربوية خاطئة - ادمان بأشكال مختلفة - بناء عالم افتراضى على الفيس بوك - الهروب من الواقع - الاكتئاب - فقدان الثقة بالنفس وبالاخرين - تقلبات مزاجية - الاحساس بعدم الامان الاستقرار - الترقب والحذر الشديد المرضي - الخوف من فكرة فقدان شئ غالى او اشخاص
لو انت بتعانى من حاجة من الامثلة ديه او حاجات مشابه ليها اعرف انك لازم تشتغل على صحتك النفسية او تروح لمتخصص بدل من ان الوضع يتطور ويتحول لاضطرابات انت فى غنى عنها
0 التعليقات:
إرسال تعليق