الحالة النفسية السيئة والسلبية اللى هنتكلم عنها النهاردة بتحصل عند اغلب الشباب والبنات اللى عندها طموح قوي وشغف كبير انها توصل للحاجة اللى نفسها فيها
شكل الحالة ديه واعراضها
عدم الاحساس بالنوم
تزاحم الافكار وقت النوم
فتور وملل وبحث عن اى شئ جديد
شعور ان النوم او الاكل او الشغل فى بعض الاحيان عطلة عن تحقيق الانجاز
بحث دائم فى الذات لدرجة ان فى بعض الاحيان انك ممكن تشك فى نفسك وفى قدراتك وتسال نفسك هو انت فعلا كدة ولا لاء
اسباب الحالة النفسية ديه
تعارض الافكار مع المشاعر
بمعنى انى افضل فرحان باللى انا عايز احققه وجوايا مشاعر قوية تجاهه وعقلى بيقولى ده مش هيحصل بالسهولة ديه ولسه الطريق قدامك طويل
الطموح العالى مع خطأ فى التفكير اسمه استعجال النتائج
وهنا بقى هتحس ان اى حاجة بتعملها هى عطلة سواء نوم اكل هزار ضحك شغل
بيئة عمل مليانة صراعات داخلية بين الناس
وديه اهم الاسباب اللى ممكن تخلى اى حد يحس بالفتور ويحس ان اى حاجة ممكن يعملها تكون من غير قيمة وفايدة
التعويض الخاطئ
وهو ان الشخص بعد ما يحس انه حقق ولو جزء من نجاحه وشغفه يبدأ يفكر بتعويض اى حاجة مكنتش موجودة فى طفولته وبالتالى يبدأ يوجه تركيزه على التعويض ده بدلا من التركيز على الثبات فى نمو النجاح والشغف
ترك زمام الامور لمجريات الحياة
ان الشخص يستسلم لمجريات الحياة ويبدأ يقتنع ان الحياة هى اللى متحكمة فى البشر مش العكس وممكن وقتها يحصل كذا موقف يعتبرها دليل ان الحياة هى المتحكمة
الصلابة النفسية
ان ميكنش عندك القوة النفسية الكافية اللى تساعدك على مواجهة الحياة واستقبال تجارب الحياة وتحوليها لخبرات
مظاهر وجود الحالة النفسية ديه
فقدان الأمن
وهنا بيكون الشخص فقد الامان بسبب اعتقاده ان الاحداث الخارجية هى اللى متحكمة
درجة غير معقولة من تقويم الفرد لذاته
هنا بيكون الشخص فقد القدرة على تصحيح ما فيه من اثار تعرض لها من الحالة ديه واستسلم لها
أهداف حياته لاتتسم بالواقعية
لان فى الحالة ديه بيكون الشخص مركز على احلام اليقظة اكتر اللى هى بناء عالم افتراضى يحقق فيه احلامه وعاجز على تحقيقه فى الواقع
اتصال غير فعال بالواقع
هنا بيكون الشخص فقد القدرة على تقدير المواقف وكيفية التعامل معها بحكمة وبمهارة
عدم تكامل
وثبات في الشخصية
الشخص ممكن يحس انه غير مستقر على هوية واحدة يعنى تجاه فكرى معين وميول معينة وسلوكيات معينة
عدام القدرة على التعلم من الخبرة التي يمر بها الفرد
لان نظرته للمواقف هنا انها تراكمات بتزيد من حالته النفسية اكتر ومش بيشوفها تجارب ممكن يتعلم منها
تلقائية غير مناسبة لمواجهة المواقف
وهنا فى بعض الاحيان ممكن يكون فى تردد فى اتخاذ القرار ويكون فى تفكير زائد او تسرع فى الاندفاع او حكمة احيانا
يعنى ممكن ببساطة تلاقيه فى مواقف معينة عنده لا مبالاه ومش حاسس باللى حوليه او منفعل جدا وانفعاله عالى
طيب العلاج ايه بقى للخروج من الحالة ديه وفى اسرع وقت فى اربع خطوات
1.
العلاقة بين طاقات الشخص وإنجازاته : وهو ذلك التفاوت الذي يحتمل وجوده بين ما
يستطيع الفرد القيام به، وبين ما يقوم به وينجزه فعلياً
2.
الاتزان العاطفي : ويعني التوازن بين انفعالات الشخص والمؤثرات العاملة في ذلك
3.
صلاح الوظائف العقلية : ويشمل الإدراك والمحاكاة وعمل الذاكرة والتفكير وغيره،
والصلاح هنا يقصد به مقدار ما يكون عليه عمل هذه الوظائف من حيث صحتها ودقتها
وسيرها وفق المبادئ العقلية الأساسية
4.
التوافق الاجتماعي : ويعني مستوى توافق الفرد مع شروط حياة الجماعة وتفاعله معها.
فالشخص الذي يتمتع بصحة نفسية جيدة قادر على العيش بسلام وصداقة مع الآخرين ضمن
الكتل الاجتماعية. وهو قادر على التعاون وراغب فيه، مع غيره على أساس علاقات
اجتماعية قائمة على المسؤولية والاحترام المتبادل
واعتقد وجود شخص أو أشخاص قادرين علي احتواء الحالة بيفرق كتير جدا إنها تخرج من دائره الأرق والتشتت
ردحذف