سلسلة حياة الاقناع وتأثير الاحتياجات على الاقناع

فكرة الاحتياجات فى تحريك مشاعرك وهنا تكمن الخدعة 

تعالى كده مع بعض نعرف انت ممكن يضحك عليك ازاى 

بيجى عليك لحظات فى اى حوار وتلاقى مشاعرك اشتغلت وبدات تتعاطف مع الطرف الاخر وتقتنع بكلامه ؟؟
بتسمع نفسك احياناً وانت بتقول لنفسك هو انا ازاى اقتنعت بكل الحاجات ديه مع انى كنت داخل اشترى حاجة واحدة بس ؟؟
بتحس انك مبسوط لما الشخص اللى قدامك يكون عارف انت عايز ايه بالضبط وبتكون مبسوط اكتر لما انت كمان بتكون عارف هو عايز ايه وبتقدر تقنعه ؟؟

هو كل ده بيحصل ازاى ببساطة كده فى حاجة اسمها الاحتياج عند كل واحد فينا لمجرد ان الشخص اللى قدامك بيمس احتياجك فى الحوار بيبدأ يحرك مشاعرك تجاه الحاجة اللى بيقنعك بيها اصلا وخلى بالك لما تيجى تتكلم فى الاحتياج يكون مبنى على استخدامك للقيمة العليا للفرد 

بمعنى ايه اعتقد ان الامثلة هى اللى بتوضح اكتر بس قبل ما نتكلم فى الامثلة تعالى نعرف مع بعض ايه طبيعة احتياجات الانسان اصلا وازاى تستخدمها فى حوارك مع الطرف الاخر سواء فى الارتباط او الصداقة او على حسب طبيعة العلاقة بينك وبين اى حد 

ابراهم ماسلو عمل ابحاث كتير جدا لحد ما توصل للاحتياجات لكل واحد فينا ممكن تكون ايه 

الاحتياجات الاساسية .. زى الاكل والشرب والسكن 
الاحتياجات للحماية او الامان .. زى المال والوفرة من اى شئ تمتلكه 
الاحتياجات الاجتماعية .. وهنا بيتكلم على العالم الخاص بيك من الناس المحيطة بيك وتأثيرهم عليك فى حياتك 
الاحتياجات لتقدير الذات .. وهنا بنتكلم عن شعور الشخص بقيمة نفسه ويحس بالتقدير من الاخرين 
الاحتياجات لتحقيق الذات .. وهنا بنتكلم عن الانجازات اللى ممكن تحققها فى حياتك 

طيب تعالى نعرف طبيعة تركيبة الجملة او بشكل ابسط سيناريو الحوار ممكن يكون ازاى عشان تبدأ تخترق العقل والمشاعر بطريقة سهلة 

انا عندى ليك موضوع وحابب اتكلم فيه معاك وايه رايك تحب ابدأ بنتائج الحوار ده عشان تعرف انا بتكلم فى ايه ولا فى انسب طريقة للوصول ليه لو هيبقى مضمون ازاى ومين هيكون معانا فيه ولا ازاى نخليه مختلف ومتميز 

وطبعا هنا عشان تكتشف ترتيب القيم العليا اللى هى المحرك الرئيسي ليه عشان تبدأ من خلالها كلامك 

الموضوع ياسيدى .............. ومن الاخر كده اللى هنوصل لــ او من الاخر كده لما نتم الحوار ده حيبقى معانا  ................... 
ولو فكرت معايا كده حتلاقى ان حيخلينا نجيب شقة فى اسرع وقت ممكن ويخليك كمان تظبط دخل ثابت ده غير بقى العلاقات اللى هنطلع بيها وانت بينك وبين نفسك كده هتحس انك برنس :) ويبقي كمان سنتين تلاتة عملتلك حاجة 

لو جينا بصينا على المثال اللى فات انا هنا كلمت واحد القيمة العليا عنده النتائج وبعد ما بدأت بالقيمة العليا ليه شغلت مخيلته وعقله واحساسه بأحتياجاته وهنا انا لعبت على كل الاحتياجات وعايزك تجرب كتير عشان تطلع بكمية خبرة كبيرة 

وحتكرر نفس السيناريو اللى فات بالطريقة اللى بتناسب كل قيمة عليا وتبنى عليها الاحتياجات ومن المرة الجاية ان شاء الله حنبدأ نتكلم بأمثلة اكتر واستخدامات اكثر ان شاء الله لمعادلة القيمة العليا مع الاحتياج لتحريك مشاعر اى حد ويبقى فى اهدافك انت 

للتواصل والمناقشة 
https://www.facebook.com/engmohamed.rashed1

او عن طريق الصفحة 
https://www.facebook.com/Tr.MoHaMeD.RaSHeD

شاركه على فيسبوك شاركه على تويتر شاركه على جوجل بلس

عن eng-rashed