كورس مهارات الاتصال الفعال .. ورشة عمل الاتصال الناجح .. فن الحوار .. الاتصال والتواصل
اول ماتشوف اسم كورس من الكورسات ديه على طول بيجى فى بالك انك
محاور ناجح
بتعرف تعبر عن نفسك كويس
بتعرف تتكلم كويس
بتعرف تحقق اهدافك فى الحديث
ازاى تحول الجدال الى حوار ناجح
تحسين علاقتنا بالناس اكثر
وبالنسبة للناس اللى حضرت الكورس قبل كده وممكن اكتر مرة بيكون عنده نفس الاهداف ومع ذلك بيقع فى نفس الحلقة المفقودة
الحلقة المفقودة بنشعر بها مع التطبيق العملى وبنكتشف ان احنا مش بنوصل لاهدافنا بنسبة كبير وبتقول انا طبقت كل حاجه فى الكورس بس لسه حاسس ان فى حاجه ناقصة ومش شايفها
عايزك تركز معايا فى الكلام اللى جاى وتلاحظ اللى بيحصل عشان الكلام ده بيحصل لاواعى من غير مانشعر بيه ومن خلال التجارب هنعرف خطوات عملية لبناء الحوار الناجح وتحقق اهدافك بقوة فى الاتصال والتواصل وبناء العلاقات الانسانية مع الاخرين
التجربة الاولى
ـــــــــــــــــــــــــــ
بتحصل معاك صح انك تقابل ناس وتاخد انطباع اول عنهم وبعد كده تغيره وبعد ماتغيره تستغرب نفسك بدون اى اسباب او ممكن تطلع مبررات ممكن تكون مقنعة او غير مقنعة عشان تتكيف مع التغيير الجديد بسرعة ..
الخلاصة انك بتستعجل انك تكون رأى على الشخص اللى قدامك وبتبنى حكم عليه عشان تعرف تتعامل معاه ومرة تصيب ومرة تخيب انك تصتدم معاه
" الشخص المحترف لا يصح انه يكون انطباع اول بل يفكر فى كيفية ترك اطباع اول رائع "
خطوات بسيطة تحقق بيها نتائج كبيرة
- سحر الابتسامة
---------------
الابتسامة يها سحر سريع جدا مع الاخرين فى بناء الالفة التى تساعدك على تحقيق اهدافك فى الحوار سريعاً
- ذكر اسم الشخص اكثر من مرة
------------------------------
افضل شئ الطرف الاخر يفضل سماعه هو اسمه وقدرتك على ذكر الاسم اكثر من مرة يعنى شعور بالاهتمام بشكل لاواعى
- اهتم اهتمام صادق بالطرف الاخر
---------------------------------
اهتمام بيكون بتقدريك للطرف الاخر فى الاستماع والحديث وبنى الاراء المختلفة وتقديم المساعدة بشكل مختلف عن الاخرين
- انتقد بطريقة بنائة
-------------------
ببساطة استنخدم اسلوب ذكر الايجابيات ثم السلبية ولا تركز عليها مع ذكر النتيجة بعد التعديل( انت كنت رائع جدا فى كذا وكذا ولو ظبط الحته ديه بس هتلاقى النتيجة )
- تحدث فى اطار اهتمام الاخرين
-----------------------------
اسرع طريقة تتفق بيها مع الاخرين هو انك تبدأ تتكلم فى اطار اهتمام الاخرين وبشكل لا واعى هتتنتقل لاطار اهتمامك وهنا هيبقى فى الارض المشتركة فى الحديث والمتفق عليها ويفضل طبعا انك تستبعد نقاط الخلاف والاختلاف والتركيز على الارض المشتركة
التجربة الثانية
ــــــــــــــــــــــــــ
اول لما بتشوف او تسمع اسم كورس مهارات الاتصال الفعال .... الخ
بيجى فى ذهنك على طول انك المرسل وانت المتحدث اللبق على الرغم ان خبراء الاتصال والعلاقات الانسانية اكدوا ان الاساس فى عملية الاتصال والتواصل وبناء العلاقات الانسانية مع الاخرين هو المستقبل
خطوات بسيطة لكى تصبح مستقبل جيد فتكون متحدث رائع
- البادئ بسؤال متحكم فى حوار
----------------------------
نقول فى البداية اسأل سوال مفتوح تكون اجابته شرح وليس نعم او لاء من الكلام هتتعرف على فكر الطرف الاخر ( تحدث حتى اراك )
- تحمل مسئولية الاستماع
------------------------
الاستماع والانصات هو اساس المستقبل ولذات استخدم درجات الاستماع والانصات حسب الموقف
درجات الاستماع
1- التجاهل
2- التظاهر بالاستماع
3- الاستماع الجزئى
4- الاستماع بالمشاعر
5- الاستماع بالاهتمام ( الانصات )
الافضل انك تستخدم الاستماع بالمشاعر فى سماع المشكلات للتعاطف مع الطرف الاخر وابداء الاهتمام
استخدم الاستماع بالاهتمام للاهتمام الصادق مع الطرف الاخر
- استخدام ايماءات وكلمات الاتفاق
--------------------------------
اثناء الاستماع استخدم هزات الرأس التى تدل على على الموافقة مع الابتسامة الساحرة واستخدم كلمات مثل .. هايل .. ممتاز .. رائع ..
- فصل المعلومات
يحدث احيانا ان الطرف الاخر يتداخل فى الموضوعات فيجب عليك انك تقول له اثناء الحديث من البداية احنا هنتكلم فى موضوع كذا وموضع كذا وموضوع كذا وابدأ فى اول موضوع ولو دخلك فى موضوع تانى ابدأ رجعه للاتفاق تانى حتى تنهى حديثك سريعاً
- الملاحظة والتقييم
--------------------
استخدم دائما التحليل فى ترتيب الافكار وتكوين الفكرة العامة ثم الفكرة التفصيلية عن الموضوع واختم كلامك بنقاط اتفاق
اشكر الطرف الاخر
---------------------
الشكر من اسهل طرق تقدير الطرف الاخر استخدمها دائما فى كلامك
واخيراً نفذ كل الخطوات البسيطة لتحقيق اهدافك فى الاتصال والتواصل وبناء العلاقات الانسانية مع الاخرين
0 التعليقات:
إرسال تعليق