الناس نوعين زى ما شرحنا فى المقال السابق من حيث ارتباطهم بالاشياء اللى موجودة فى حياتهم او بالحاجات اللى مش موجودة وممكن تقرأ ده بالتفصيل فى المقال ده
بالوعي ولا الادراك وسبب مشاكلنا فى الحياة
واتفقنا ان احنا هنتكلم النهاردة عن ازاى نستفيد من ده فى حياتنا وننجح بيه كمان
بتسمع الناس ساعات بتقول انا بحب دايما الاستقرار وبحب اعمل الحاجات اللى بعملها كنوع من انواع الطقوس اللى بتتعمل كل يوم
النوع ده من الناس ليه مميزات مهمة جدا زى انه بيحافظ على العادات والتقاليد وانه بيهتم بالتخطيط المبسق والاعداد لكل حاجة فى حياته من قبل التنفيذ ومهو بيشترى اى حاجة يحب يشترى حاجات شبه اللى عنده وهكذا فى كل تفاصيل حياته يعني بأختصار كده ممكن تقول عليه ميال اكتر للروتين وتكرار الاعمال اليومية فى حياتته
المشكلة بقى فى النوع ده انه ممكن يفضل لحد ما يموت بالطريقة ديه وللاسف طبعا مش بيحث بأى متعة تجديد او ابداع او ابتكار او التعامل مع الاشياء الجديدة يعنى بسهولة جدا ممكن يبقى تعبان جدا من شري حياته ومع ذلك مكمل لانه عايز الاستقرار فى نفس العلاقة والحفاظ عليها او ياخد رد فعل تانى انه يبدأ يقول انا عايز اكسر روتين حياتى وهنا مش مضمون ممكن يعمل ايه عشان يطلع برة اطار الروتين ده.
النوع التانى بقى من الناس اللى على طول تلاقيه يقول الجملة الشهيرة انا عايز اعمل حاجة جديدة فى حياتى انا عايز اكتشف حاجة غريبة يحب يدور ويحب يتعامل مع اماكن غير معروفة وده اللى بتلاقيه لما حد يوصفله مكان هو يرد ويقول قولى بس لما اوصل اسال على ايه وانا هتصرف بتلاقيه مش ثابت ستايل اللبس او الاكل وبنفس الطريقة حتى فى اختيار شريك الحياة كل ما يشوف شئ مختلف فى حد جديد يبدأ ينجذب للاختلاف ده ومن اهم مميزات النوع ده التجديد فى الافكار والابداع والابتكار
المشكلة بقى فى النوع ده انه ممكن يكون كده لحد ما يموت بنفس الطريقة ونفس الاسلوب وهنا تكمن الخطورة فى التشتت وعدم الالتزام او تحمل المسؤلية فى شغل او ارتباط او فى اى حاجة فى حياته لانه هيكره روتين الفترة اللى بيعمل فيها ده ولو شوفت حد كده من النوع ده وملتزم ومتحمل المسؤليه هنا بقى اعرف ان ده تأثير القيم التربوية اللى اتربى عليها او يبدأ يقول انا نفسي استقر بقى فى حياتى وتعبت من الطريقة اللى انا عايش بيها ديه وهنا ممكن يكون رد فعله ان يفضل مكانه ويكره التجديد ويتحول للنوع الاول او يحاول يدور على الاستقرار ده بطريقته يعنى يكون استقرار متجدد وفى النهاية ده راجع لطبيعة الشخص نفسه عشان ممكن يحصل تأثير سلبي او ايجابي
ودلوقتى تعالى نعرف ازاى نستفيد من النوعين فى حياتنا انت محتاج تكون النوع الاول فتكون شخص مرحلى بمعنى ان الخطوة الاولى للنجاح فى الحياة هى
الاستقرار الجزئي
وده نقطة الفصل بين النوع الاول والنوع التانى لان فى الحالتين فى وهم للفكرة اصلا يعنى النوع الاول هيكون عنده وهم الاستقرار لان طبيعة الحياة اصلا متغيرة ومتجددة او النوع التانى لما يبقى بيدور على وهم الاستقرار المستمر فى الحياة
فلازم عشان تنجح فى حياتك تعرف ان الحياة مراحل وكل مرحلة من دول اسمها الاستقرار الجزئي فى الحياة
بين كل مرحلة والتانية محتاجين للخطوة التانية اللى هى
تقييم الاداء
وهنا بقى بتكتشف انك راضى عن نفسك وعن حياتك ولا بتبعد عن المسار اللى انت حددته لنفسك فى حياتك ولا لاء وهنا لازم تاخد بالك من حاجة مهمة جدا انك دايما هتكون محتاج للخطة والخطة البديلة والوسيلة اللى تحقق بيها هدفك فى الحياة والوسيلة البديلة
وهنا بيجي بقى دور النوع التانى من الناس او طريقة التفكير التانية او بمعنى ادق الالية العقلية ونبدأ بالخطوة التالتة
التجديد والتطوير
فلازم عشان تحافظ على بقائك واستقرارك السر يكمن فى التجديد ليه بقى عشان لو فضلت زى ما انت والحياة بتتحرك من حوليك هتلاقي نفسك مع الوقت بتتحول لحد كل همه فى الحياة انه يحافظ على بقائه وشكرا ويبدأ يدخل فى صراع انه بيحمى نفسه من خوفه من الحياة انما بالتطوير والتجديد انت بتقدر بسهولة جدا انك تكمل فى حياتك وتسعى وراء اهدافك بدلا من هروبك من خوفك
وهنا لازم نتبع الخطوة الحاسمة
القتال من اجل القمة
فى حقيقة الامر هو المسمى الادق للخطوة ديه القتال من اجل الوصول ليه بقى لان اغلب الناس فى بعض الاحيان بيكون فاضل ليه خطوة او خطوات بسيطة للوصول لقوة الهدف فى الحياة ويتراجع فى اخر لحظة وهنا لازم يكون عندك روح القتال من اجل الوصول وعشان تنمى روح القتال ديه يبقى لازم تتبع الخطوة التالية
الشغف
يعنى يبقى عندك الفضول وتصور كامل فى خيالك يخليك تشوف وتحس اهم مشاعر فى حياتك وبناء على المشاعر ديه يبدأ شغفك يتحرك ويخليك تستمر وعشان كده لازم تتخيل كم الالم اللى ممكن تحس بيه لو فقدت الهدف ده من حياتك وفى نفس الوقت تحس شعورك بالفخر بنفسك فى وصولك للهدف وهنا لازم نتكلم على حاجة مهمة جدا
لازم تبقى عارف انى بكلمك هنا عن الوصول لمجموع اهدافك واهدافك البديلة طيب ليه بقول كده عشان فى ناس ممكن تعتقد انى بقوله عيش من اجل هدف واحد وحيد فى الحياة وهنا تكمن خطورة الفكرة ديه عشان بنشوف ناس كتير جدا لو مشتغلش الحاجة اللى بيحلم بيها او مخدتش شريك الحياة اللى اختاره يبقى كده الحياة انتهت عشان كده بنهى معاك بالجملة ديه
مجموع اهدافك واهدافك البديلة تساوي حياتك
0 التعليقات:
إرسال تعليق