على الرغم من قوتها ولكنها بتفشل فى احيان كتير
وليها مسميات كتير للتقنية ديه واكتر من مفهوم ليها وفى النهاية حاجة واحدة ومن ضمن مسميتها التأكيدات اللغوية الايجابية او حديث النفس الايجابي او البرمجة الايجابية العقلية او التوافق النفسي الكلامي فى النهاية ببساطة كده هى ازاى تتكلم مع نفسك بطريقة ايجابية تحفيزية تساعدك على الاستمرار فى الحياة.
ببساطة كدة ديه حالة بتحصلنا كلنا انه بيجي علينا وقت وبنبقى بنتكلم مع نفسنا بطريقة قوية وايجابية عشان نقدرنتخطنا تحديتنا وفشلنا فى الحياة وبتكون فى منتهى الحماسة طيب السؤال بقى ليه بتفشل التقنية ديه بعد كده عشان لازم يتوفر شرطين مهمين جدا
الشرط الاول : تخلص من قناعات السلبية ... ليه ؟؟
اتكلمنا قبل كده عن القيود العقلية بالتفصيل فى ثلاث مقالات .. للقراءة اضغط على المقال
المقال الاول : عدم الوعي الحسي ثم عدم الوعي بالاحساس
المقال التانى : بالوعي ولا الادراك وسبب مشاكلنا فى الحياة
المقال التالت : ارتباطنا بالاشياء والناس اللى حولينا وعلاقتهم بالحياة
انت بتفشل ليه بوجود القناعات السلبية فى عقلك ودماغك عشان بعد ما بتتحمس وتبدأ تنفذ ممكن يحصل تحدى ولو صغير وهنا تكمن الخطورة انك بتوجه التحدى ده بأحباط وهنا يدخل دور القناعات السلبية فى الموضوع انك تبدأ تقول لنفسك انا تخنقت انا امتى هتخطى ده انا ليه كل شويه يحصل كده وفى الحالة ديه بقولك انك بالطريقة ديه بتعزز فشلك اكتر حتى بتكرار التجربية كتير جدا
يبقى الخطوة الاولى انك تراجع نفسك فى قيمك ومعتقداتك والافكار اللى انت مؤمن بيها فى حياتك طيب ازاى هقولك عشان فى 3 مشاكل بنقع فيهم فى القناعات ديه
المشكلة الاولي معنى القيمة او ترجمة القيمة
تيجى بنت مثلا تقول انا قاطعت مع صحبتى ديه ليه عشان بتخونى طيب بتخونك ازاى ؟؟ الرد بيكون كدبت عليا والسؤال هنا بقى هو معنى الخيانة الكذب الاجابة لاء طبعا
الحل : اكتب كل القيم والمبادئ اللى انت ماشى بيها فى حياتك واكتب ترجمة كل قيمة عندك ومعناها يعنى مثلا الصدق معناه ايه عندك وهل المعنى ده صحيح ولا لاء ولو غلط يبقى ايه الصح ادور عليه وابدأ اشتغل عليه
المشكلة التانية : ترتيب القيمة
المثال المشهور اللى اغلبنا اتربى عليه هو انه عيب تكدب وان الكدب حرام وجرس التليفون يرن يكون رد الاب للابن قوله ان بابا نايم وده لما يتكرر كتير تربويا بيحصل حاجة اسمها خلل فى القيم وتبقى القيمة مرتبطة بالموقف والناس يعنى لو بحب حد وحصله مشكله ممكن اساعده ولو حد تانى مش هساعد اصلا ممكن فى موقف اكون صادق فيه وموقف تانى اكدب فيه وهنا بيكون فقدنا الثبات على المبدأ وبسبب كده بيبقى فى تخبطات فى مواقف كتير فى الحياة طبيعي انها تؤدى الى الفشل
الحل : بعد ما تكتب كل قيمة ومعناها الصحيح ابدأ فى ترتيب القيم ديه يعنى مثلا الصدق رقم واحد الامانة رقم اتنين الاتقان رقم 3 وهكذا وخليك ثابت على ترتيبك ده ودرب نفسك عليه
المشكلة التالتة : معيار القيمة نفسه
يعنى لو فرضنا ان عندنا مقياس لتفعيل القيمة من صفر لحد 10 فلو شخص مثلا عنده معيار القيمة 2 او 3 وديه درجة صغيرة هيبقى تفعيل القيمة هنا قليل جدا يعنى هو عنده قيمة الصدق اه بس دايما او فى الغالب بيكدب اكتر ما بيكون صادق طيب لو معيار القيمة عالى 8 او 9 مثلا هيكون فى جمود على القيمة يعنى ممكن تكون الصدق ولصراحة لحد الوقاحة
الحل : انك تدرب كتير جدا على اكتساب المرونة فى استخدام القيم او القناعات ديه وتكتسب القدرة على التكيف
الشرط التانى : التكرار يساوى الاحلال والتبديل
للاسف اغلب الناس معتقدة انه لما يبقى عايز يبطل عادة لمجرد انه هيوقفها مش هيعملها تانى ويتفاجئ انه بيعملها تانى وممكن بشراهه اكتر ليه لان العقل مش بيحذف اى ملف عقلى جواه وعشان كده العقل من ام عملياته الاحلال والتبديل يعنى عايز تبطل عادة حط مكانها عادة جديدة او مهارة جديدة طيب ده يحصل ازاى عن طريق انك تبدأ تستخدم معانى القيم والقناعات الجديدة بتكرار مستمر عشان فى اثناء فترة الاستمرار على تكرار المعنى الجديد ده فى حياتك هيحذف جزء من العادة القديمة ويضيف جزء من العادة او المعنى الجديد وتبقى الخلاصة عشان تنجح فى انك تتكلم مع نفسك وتستمر فى حياتك
تخلص من قناعاتك السلبية
كرر القناعات الايجابية بأستمرار
وبعد فترة لاحط التطورات والتحولات اللى بتحصل فى حياتك فى خلال فترة وجيزة تصل الى 3 شهور وتشوف الفرق بنفسك فى جوانب حياتك
0 التعليقات:
إرسال تعليق