في خلال سطور بسيطة من الكلمات هساعدك تعرف سبب المراهقة المتأخرة اللي هو ببساطة كدة نضج عقلي وعاطفي متأخر اللي احنا بنقول عليه لسه عقله مكبرش او منضجش وبتزيد المراهقة ديه بزيادة شعوره واحساسه انه انسان غير مرغوب فيه
ببساطة كدة الراجل مع بداية دخوله ال ٤٠ بيكون ليه مكانة عند الناس من وقار واحترام وبما انه شخص لسه عايز يعيش شبابه بيعمل حاجات مرفوضة اجتماعيا وبالتالي بيحس بالرفض من اللي حوليه وهنا بيجي دور الحيل الدفاعية اللي بيستخدمها الشخص وبنقول عليها مراهقة متأخرة
وهنا الشخص او الراجل بيستخدم اشهر ٣ حيل اللي هما النكوص والتعويض والتبرير
النكوص هو انه كان ف مراهقته كان عايش حياته مع البنات وحاسس بنفسه فلانتينو ومع احساسه بالرفض ف عمر ال ٤٠ يرجع يعمل زي ما كان بيعمل فترة مراهقته
التعويض هو انه معش حياته اصلا ولا كان في مراهقة زي اغلب الشباب وبالتقالي يحس بالنقص وتعويضا للنقص ده يعيش مراهقته تاني
التبرير وهنا بقي الطامة الكبرى لان الراجل في المرحلة ديه بيدى لنفسه الاسباب ويمنطقها لنفسه ايا كانت صحة الاسباب ديه من عدم صحتها ويظهر عندنا العلامات المميزة زي
التصابي في الشكل وانه يلبس لبس اقل من سنه
التصابي في الكلام وانه يهزر ويضحك مع اللي حوليه بمشاعر وطريقة المراهق من غير تقدير لنظرة الناس ليه
يتعامل مع بنات ف مراحل عمرية من ١٨ ل ٢٥ سنة عشان يحس بشبابه ويبرر ده لانفسه عادي جدا
التهور والاندفاع والانفعال في اتفه المواقف والاسباب وده طبعا راجع لعدم كمال نضجه العقلي والعاطفي
التباهي بأمور تافهة ملهاش لازمة بالناس للناس ولكن بترضي غروره
وهنا بقي نقدر نقول هو استخدم حيلة دفاعية خطر شوية وهي العزل بمعني انه بيعزل افكاره عن ضميره يعني بيعمل كل ده من غير ما يحس انه بيعمل حاجة غلط او حاجة بتضايق اللي حوليه
وطبعا الوضع ممكن يزيد سوء لو النضج المتأخر ده اتحول لاضطراب شخصية وهنتكلم عنها ان شاء الله ف مقالات قادمة
0 التعليقات:
إرسال تعليق