تقنية ايكيجاي السحرية لاكتشاف شغفك
اغلب ومعظم الشباب ما بين حالتين
الحالة الاولى انه عنده هدف ومش عارف يحققه
الحالة التانية انه لسه مش عارف هدفه ايه
بالنسبة للحالة الاولى محتاجين قبل ما نقر ونقول ان ده هدفك فعلا انك تختبر واقعية الهدف ده وقابليته بمعني ان الهدف ده فعلا هو اللي انت عايزه مش مجرد حاجة انت نفسك فيها وخلاص او لمجرد انك شوفت حد ناجح فيها وانت عايز تبقي زيه عشان متقعش ف فخ عدم الرضا وبعد ما تمشي فيه تقول انا كنت فاكر ان ده اللي انا كنت عايزه
طيب اختبر ده ازاي ؟؟؟؟
ببساطة كدة سمات شخصيتك وطبيعة قدراتك العقلية وشوف ايه المهارات اللي عندك وقيم اذا كان هدفك مناسبة لطبيعة سماتك ديه ولا لاء وساعتها هتقدر تقيم ايه احتياجاتك من المهارات المطلوب اكتسابها وهل ده هيبقي سهل ومناسب لطبيعة سماتك ولا لاء
وهنا هيبقي ف حاجة من اتنين يا اما هتتأكد انك فعلا ماشي ف الطريق الصح او هتعرف ان الهدف ده ابعد تماما عنك وعن شخصيتك
بالنسبة للحالة التانية اللي هي انك لسه مش عارف تحدد هدف لنفسك وهنا هنستخدم التقنية اليابانية ايكيجاي وهي معناها قيمة الحياة وهنا هنشتغل ع ٤ اسئلة
١- ماذا تحب ؟؟ ابحث عن هوايتك
وديه مرحلة التنقيب ف الذات عشان تعرف ايه هواياتك اللي انت بتحبها ولو مش عارف جرب اكتر من حاجة لحد ما تحدد ايه الهواية اللي عندك وبتحبها
٢- ماذا تجيد ؟؟ احترف هوايتك
وديه مرحلة تحويل الهواية لمهارة متقنة بمعني انك تدرس الهواية ديه وتطبقها بشكل عملي وتدرب عليها لحد ما تبقي متقنها ع اساس علمي وعملي
٣- ما الذي يدفع لك من اجله ؟؟ اجعلها وظيفتك
وديه مرحلة معرفتك بأدارة المهارة ديه وتبقي كرير ليك وازاي تطور من نفسك فيها زي مثلا انك تعرف عنها اكتر واكتر وازاي تسوق نفسك بيها وازاي تفتح مجال لنفسك ف سوق العمل او ازاي تخليها عمل حر كبزنس خاص بيك
٤- ماذا يحتاج العالم ؟؟ اجعل وظيفتك رسالتك في الحياة
وديه مرحلة تشكل هويتك كشخص بيعمل العمل ده وبيقدمه برسالة شخصية للناس مش بس مجرد بزنس وبتقدمها بكل حب وشغف
ودمتم ناجحين
المقال ده فى وقته جدا كنت لسة بفكر فى نفس الافكار دى هو مفيد بجد بس الصعوبة فى تطبيقه شكرا جزيلا على البوستات والنصائح اللى على طول بتفيدنا بيها ☺️☺️☺️☺️
ردحذفرائع
ردحذفحلو اوووي بجد الله ينور شكرا ليك جدا
ردحذفرائع جداً جداً
ردحذف😍😍😍
ردحذف